Bazenekien 2000 urtean lehen Lady Fest jaialdia antolatu zela Olimpian (Estatu Batuak)? Jaialdi honen helburuak, emakumeen ikusgarritasuna aldarrikatzea eta merkatu misogino komertzialetan lekua ez duten emakumeen sorkuntzaren plataforma bilakatzea izan ziren. Jaialdi honen ezaugarriak, autogestionatua,independientea eta feminista izatea izan ziren. Era berean emakumezkoen kultur taldeek pairatzen dituzten bazterketa salatzeko foroa ere bazen. Lehen jaialdi haietatik, non emakumeek egindako musika eta espektakulo artistikokulturalak ardatza izan diren, mundu osoan zehar jaialdi ezberdinak egin dira.

Emakumezkoen arteko hartuemanak gizonezkoen ohiko mutursartzeak izan gabe garatzeko espazioen faltak arduraturik, Bilbon lesbiana talde batek jaialdi bat antolatu dau. Jaialdi hau “Zuk zeuk egin ezazu!” filosofiari jarraituz antolatu da, bilduko garen emakumeok espazio zabal batean ondo pasatzeko aukera izan dezagun.

Musika, emakumezko Djak, performance, bideo-emanaldiak… eta zuk ezagutzen baduzu abesten edo dantzatzen dakienik abisatu!!! Irabazibako ekimena da. Elkartzea, ondo pasatzea eta lehen harria botatzea da asmoa, ea zer gertatzen den… Bilbon, Sala Santanan 27 (Boluetako metro geltoki ondoan) ekainaren 20 gaueko 00:15 goizaldeko 6:00, egingo den bigarren Lady Festa jaialdira gonbidatzen zaitugu.

Erdu, zuen zain izango gara!!!